நினைவுகள் சுமந்தேன்
நிஜவுலக கனவுகளாய்
கற்பனை குதிரைதனில்
தொலைந்தன நாட்கள்
கண்ணிற்கு அந்நியனாகி சிந்திய கண்ணீர்
கருவறை திரும்ப ஏங்கும் உள்ளம்
மறுமுறை பிறந்து செய்திட்ட தவறினை
தடம் புரண்ட பாதைதனை
இடம் பெயர்த்து நல்வழிநடத்த
உடலுக்கு அந்நியனாகா உயிரை உரசி
தீயாய் தீமை அழித்திட
நன்மை பெருகிட
நல்லோர் வாழ்த்திட
நானும் வாழ வழி தேடி
என்னையே தோண்டி தோண்டி
மாயப்பூட்டின் சாவி தன்னை
என்னுள்ளும் தேடி தேடி திரிகின்றேன்
உறை உடைத்து புதிய
வண்ணத்து பூச்சியாய்
சிறகடித்து பறந்திட
நினைவுகள் சுமந்தேன்
No comments:
Post a Comment